الدنيا مقلب كبيييير| ► | فبراير 2010 | ◄ | ||||
| سبت | أحد | إثنين | ثلاثاء | أربعاء | خميس | جمعة |
| 1 | 2 | 3 | 4 | 5 | ||
| 6 | 7 | 8 | 9 | 10 | 11 | 12 |
| 13 | 14 | 15 | 16 | 17 | 18 | 19 |
| 20 | 21 | 22 | 23 | 24 | 25 | 26 |
| 27 | 28 | |||||
أنا عارفه ان فى منكم اللى لاحظ عدم تفاعلى معاكم فى الفترة الاخيره وده لعدة أسباب منها الشغل والعيال لكن الأساس أكتر أنى باخد منحنى جديد فى حياتى ومستقبلى..هاتقولوا منحنى جديد وأنتى 54 سنه؟
الظاهر أن سلالة الباشوات ولون عنيه وطولى وصحتى وأخلاقى مش أسلحه كافيه للأرتباط اليومين دول
أعرفكم على نفسى
بعد الأحداث الدموية المثيره والغريبه التى وللأسف نعيشها تلك الأيام بين شعبين عربيين والمدهش أن نرى كل هذه العنتريه والوطنية من شعبين منهزمين فى وطنهم أصلا!!!
هالنى وأفزعنى وأحزننى الأحداث المؤسفه التى تابعتها أمس 15 توفمبر
ألف ألف ألف مبرووووك
دمنا أتحرق وأعصابنا باظت وبدأنا نحط وشنا فى الأرض والحزن بدأ يدخل قلوبنا وبنفكر فى منظرنا بعد كل اللى عملناه
أنا كان كل حماسى ودعائى لسبب واحد أن ربنا يفرح شعب مصر اللى بيتلكك علشان يفرح..شعب مطحون مكتئب فى عرض أى شئ يجمعه على فرحه وأنتصار ولو كان حتى ماتش كورة.
ربنا يتمم فرحتنا فى السودان يوم الأربعاء الساعه 6 مساء..وحظ أوفر للجزائر
عن الصحابية نجمة الجماهير الواقعه ناديه بنت الجندى بنت محمد بنت ال….
أخيراااا وجدوا حل جذرى للزباله والخبر الأحلى من كده أن الحل مش أى كلام
لالالالا..
أيوه يا هدى كملى..أيه اللى حصل بعد ما طلعتى الفيزا وحجزتى الفندق والتذكره؟
يوم الخميس 16 يوليه الساعه تسعه صباحا
قررت اضرب ساعتين نوم زياده
أنا هاستأذنكم أأجل الفصل الجديد أنهارده نتيجة خبر أستفزازى
====================================
هاستعرض معاكم الخبر ونشوف وجهات نظرنا كلنا وجايز أكون غلطانه.
واضح أن شهر يونيه من سماته الاهمال والتهاون والكذب
فى النكسه أهملوا وتهاونوا و كذبوا علينا ببيانات كل خمس دقائق
وقعنا خمس طيرات
تم أسر خمسين جندى أسرائيلى
تم تفجير عشر دبابات من دبابات العدو
يعنى لو بيصطادوا دبان ماكنوش قدروا يقتلوا العدد ده!!!
والمصيبه ان مع كل بيان.. الشعب بيهلل !!!
وماعلينا
من شهر تقريبا أختى تعبت جدا بقلبها وبعد الكشف عند أشهر الاطباء طلب أشعات وتحاليل وبعد عرض النتائج عليه طلب أحدث أشعه على القلب بتوضح مجرى كل شريان فى القلب ومدى كفائته وبالمناسبه دى سعرها عالى جدا وعملنا الاشعه فى ألفاسكان فرع المعادى على النيل
وخدنا التقرير ورحنا للدكتور وبمجرد النظر للتقرير والاشعه لقينا على وشه علامات الانزعاج
خير يا دكتور؟
للاسف فى شريان مسدود بنسبة 80%
أيه؟
يعنى أيه؟
يعنى لازم نركب دعامه للقلب والحمدلله انكم ماتأخرتوش عن كده..لأن دى مرحله معناها انها تعبانه من اكتر من سنه ونص ولو كنتم أتأخرتم كنا ممكن نضطر لعملية قلب مفتوح
وأيه المطلوب؟
والله فى الحالات العاديه بتتكلف تقريبا 23 ألف لكن لانها مريضة سكر فالدعامه بتكون غاليه وبتوصل 33 ألف جنيه بس لازم تعمل اشعة صبغه علشان نعرف احنا هانشتغل من انهى شريان فى رجلها
وكنت اول مره اعرف ان الدعامه بتتركب فى شريان من الرجل ويوصلوها للقلب..سبحان الله
وعملنا الاشعه واتحدد الشريان.
حددنا ميعاد العمليه فى أأقرب وقت وكان يوم خميس
وأتصل بينا الدكتور يوم الاتنين ليعتذر لان السنتر اللى هايجرى فيه العمليه هايقفل لعدم تمكنه من اجراء اى عمليات خوفا من غياب الفنيين والمساعدين
ويغيبوا ليه حضرتك؟
اصل أوباما هايكون فى مصر!!
وأتأجلت العمليه أسبوع
أسبوع قلق
توتر
خوف
وساوس
مجهول
وكان طبيعى لانى أصغر أخواتى والوحيده اللى لسه بصحتها انى انا اللى هاقف مع أختى
ورحت قبل العمليه بيوم ومن بدرى علشان أبات معاها واهون عليها بأسلوبى المعروف اللى يخللى كل عيالها قاعدين واقعين من الضحك من كلامى وتقليدى لكل واحد فى العيله لدرجة ان اختى نسيت ان فى عمليه تانى يوم وطبعا كان ربنا وحده اللى عالم بيا
ووصلنا حسب الميعاد 10 صباحا
ولمرض اختى بالسكر بجانب السيوله فى الدم ومشاكل أخرى كان لابد من تجهيزها
واول خطوه كنت مسئوله عنها كانت من الخطوات اللى بكرهها والحقيقه فى كل المستشفيات وهى التجرد من كل الملابس وأرتداء شئ مفتوح من الضهر لايستر ولا يجوز من أساسه والمصيبه انه مقاس واحد ويخنق وكم طويل
يعنى اختى وزنها زايد جدا وفى نفس الوقت الزفت ده مقاسه صغير وقصير
ايه الفكره فى الكم الطويل؟!!!
طب معقول لحد انهارده ماحدش تفتأ ذهنه لفكره أدميه اكتر من كده؟
تؤدى نفس المطلوب ومن غير أحراج او تكشف لعوراتنا؟!!!
والمصيبه الاكبر الاستهتار من العاملين
انا عارفه انهم من كتر الحالات اللى بتمر عليهم .. خلاص لا بيبصوا ولا غيره
بس نفسى يحسوا ويفهموا ان ده بالنسبه للمريض وأهله شئ بيحصل مره او مرتين فى العمر
لكن فى عز ما انا بغيرلها وانا محتاسه مابين ان الباب أكرته بايظه ومابين انى عايزه اغير هدومها مع العلم انى باتكلم عن مكان من أشهر الاماكن فى المهندسين وخاص لعمليات القلب فقط
وطلبت ملايه وغطيتها وخرجت اعرف ايه الخطوه اللى بعد الاستربتيز اللى حصل
وجه دكتور مساعد للدكتور الكبير وأداها حقنه وبعد ربع ساعه فوجئت بأختى مش عارفه تاخد نفسها ووشها لونه احمر وجريت جبت الدكتور وبسرعه قاس الضغط وحس ان ضربات قلبها سريعه وعرفت ان الحقنه عباره عن منوم قوى جدا ويعتبر من الجدول يعنى لا يباع للعامه وطمنى ان ده طبيعى وانها لازم تهدا علشان العمليه وياريت تنام
طب الستاير بايظه!!!
يعنى الضؤ داخل فى عنينا لدرجة ان اللى نايم هايصحى اساسا!!!
والباب ابو اكره بايظه وكل شويه حد يدخل وما يكونش عارف ان زميله لسه خارج وعمل وقال نفس الكلام!!!
هاه ايه الاخبار؟
لا لا لا ده احنا زى الفل!!!
عروستنا اخبارها ايه؟
ست الكل شدى حيلك
كلها كام ساعه وتكونى زى الفل
كفااااااايه
واخيرا جت الساعه 12.30
والاجمل واخدينها لحجرة العمليات على رجليها وهى دايخه من اثر الحقنه!!!
وسلمت عليها وطمنتها بطريقتى وانا محتاجه اللى يطمنى اصلا
وجريت على الدكتور وسألته
معلش بالتقريب كده هاتاخد أد ايه وقت؟
قالى ما تقلقيش بالكتير ساعه
على بركة الله
وفضلت واقفه بره مع اولادها وكل واحد فينا بيدعى ربنا بطريقته
